Mutongoria wa vururi raisi Uhuru Kenyatta nutumite ndumiriri ya macakaya kuri andu a mucii, arata na aria metanitue na MCA wa wardi ya Mahoo Ronald Sagurani.
Sagurani uria urari murungamiriri wa aria anini thiini wa mbunge ya Taita Taveta akuire utuku wa kuramukira umunthi ari thivitari imwe Mombasa.
Raisi amucakaite ta mutongoria urari na uthiyi wanambere varia augite arari na maundu mengi arari avingirie aria aratungatagira .
Wauguo raisi augite ta kiama kia Jubilee nimauritwe ni mutongoria mwega urari na wirutiri wa gukiriria miturire ya andu aria mari nthi na nikio arathuritwe maita mairi kurungamirira wardi ya Mahoo.
Kunari uguo augite Sagurani akaririkangawa na miradi ya uthiyi wanambere iria aretire vamwe na mogaruruku thiini wa sekta ya urimi ni gukorwa arai muvariri wa mbere kuria mwingi kuvada ndigu kwa wingi .
Raisi nuvoerete ekari a Mahoo na utongoria wa kaunti ya Taita Taveta umiriru uria umite kwi Ngai kavidari gaka karito .
Wanja wa Njiru
Mbica irutitwe online
