Atengeri Kamar Etyang na Vincent Keter nimarikitie kwigatira tigiti ya gutengera gikiro kia Semi Finals mavenyari ma mita 1500 macindanori ma World Under-20 Championships maria marathii nambere guku vururiri.
Keter acindire thiini wa gikundi giake na ndagika ithatu sekondi 42.35 varia eririte mwingi wa Kenya gucinda nthumbi ya thahabu thiini wa Finals muthenya wa njumamoci.
Mwenari wake Etyang atumire ndagika ithatu sekondi 44.75. Etyang uria wagegirie atengeri mari gatu vuva ya kwigatira tigiti ya kuthii macindanori ma Tokyo Olympics,aikirue nja vuva ya kurega gukinyaniria maundu maria mendekanaga niundu wa kuthima utumiri wa ndawa cia kuongerera mwiri vinya.
Airi aya magakorwa makigeria kugitira nthumbi iria yacindirue ni George Manangoi mbitikari wa taino miaka ithatu mivituku kuria Tampere, Finland.
Kaari wa Mugendi
Mbica irutitue online
