Ruvonge rwa ugima wa mwiri nirwaniririte arwaru engi aceru 1,263 a murimu wa COVID-19 muthenya wa umunthi vuva ya ithimi 8,680 gwikwa rungu rwa mathaa 24 mavituku.
Thiini wa ndumiriri yaao, nimaugite namba ino ikinyitie gicunji kia arwaru gukorwa kiri 14.6 vari igana na aria manyitikanite na murimu uyu wa Covid-19 ni 225,663.
Akenya ni 1,234 naao aria maumite nja ya vururi ni 29 varia anduarume mari 640 naao atumia mari 623. Uria munini muno ni mwana wa mithenya inana na uria mukuru aina miaka 101.
Gukinyagia riu ithimi iria ciekitue ni 2,287,443.
Kaunti ya Nairobi nwayo itongeretie iina namba nene ya arwaru mari 272, Kiambu 122, Makueni 80, Nyeri 76, Kitui, Nakuru arwaru 66 wa kaunti, Machakos 53, Nyandarua 45, Embu 40, Mombasa 36, Murang’a 34, Marsabit 33, Kirinyaga 31, Kilifi, Uasin Gishu, Kajiado arwaru 30 wa kaunti, Kericho 27, Nandi, Garissa arwaru 25 wa kaunti, Lamu 20, Baringo, Busia arwaru 15 wa kaunti, Nyamira, Laikipia arwaru 13 wa kaunti, Kakamega, Siaya arwaru 10 wa kaunti, Kisii 11, Narok 6, Homa Bay, Tana River arwaru 5 wa kaunti, Bungoma 4, Mandera 3, Kisumu, Meru, West Pokot, Bomet arwaru 2 wa kaunti, Taita Taveta, Tharaka Nithi, Wajir na Elgeyo Marakwet ikiandikithia mundu umwe wa kaunti.
Kavindari wakau arwaru 719 nimavorete varia 607 maramenyagirirua kuuma mucii naao 112 makirekererua kuuma mathivitari matiganite guku vururiri. Namba ya aria mavorete ikinyite 208,169.
Aria makuite makinyite 4,404 ino ni vuva ya ikuu 26 kumenyithanua icereretue na iria ciumirite mweriri.
Muvangori wa kuvecana njanjo andu aria marikitie gucanjwa makinyite 2,221,704.
Kaari wa Mugendi
Mbica irutitue online