Thirikari ya Kenya iina muvango wa kuruta akenya kenda aria makuamite vururiri wa Afghanistan ino ni kurumirira gikundi kia Taliban guoca wathani vuva ya vururi wa America kuthengutia maavithaa ao a ugitiri vuva ya miaka 20.
Ministry ya maundu ma nja ya vururi niyugite nirarutithania wira na Kenya High Commission kuria Islamabad, Pakistan,niguo mavote kumenya ni akenya egana mangikorwa makuamite vururiri ucio.
Ministry ino niyugite wana thengia ya gukorwa Kenya ndiri na umbarothi vururiri uyu, ugitiri wa akenya ni wa vata kuri thirikari ya Kenya.
Navau kavere nimaraugite ni akenya matanyivirite 12 mararutira miungano ngurani ya kivururi wira na athatu nimarikitie kuvonokua. Airi marevokwa gukinya guku vururiri umunthi kivwai, ucio wiingi arakinyire egoro.
Wauguo thirikari niyandikirite miungano ngurani guku vururiri na iria ivecanaga utungata mavururi mengi kuvanga uria akenya mangirutwa icigori icio.
Kaari wa Mugendi
Mbica irutitue online
