Mbunge ya county ya Murang’a niivingitwe vanduri va ciumia igiri kurumirira kwongerereka kwa murimu wa covid-19.
Kuria Thuita uria neke murugamiriri wa maundu ma uthii wa na mbere wa mbunge ino augite aruti wira onthe a mbunge marutire wira miciiri yao kavinda ka mithenya 14.
Munene wa ruvonge rwa ugima wa mwiri countiri ino niugiti ugwatanio wa murimu uyu riu wii iguru muno na wauguo county ino iina mierekera mikinyaniru ya kunyivia ugwatanio uyu.
Kavindari wa kau thirikari ya county ya Meru niugite niikuvinga mwena umwe wa nyomba cia gukoma cia thivitari ya Meru Teaching and Referral Hospital maithondeke niguo ciage nyomba cia kurigitira aruaru a murimu wa covid-19.
County ya Meru niyandikithitie andu 130 aria magwatitwe ni murimu wa covid-19 na andu 67 makomete mathivitari ngurani countiri ino.
Murimu uyu urongerereka wa muthenya gukere na aruaru amwe marakorwa mavotetwe muno na makivathara yera ria oxygen kwa wingi na thivitari nyiingi vururiri itiri na uvoti wa kuthondeka yera riri.
Mwingi niurathii na mbere kurua makorwe makirumirira mierekera ya ruvonge rwa ugima wa mwiri niguo kugwatanwa kwa murimu uyu kunyivanyive.
Mbica irutitwe online
Njagi Ndathi
