Mutongoria wa kiama kia ODM Raila Odinga muthenya wa umunthi arevokwa gukorua na mucemanio niguo kwariria maundu matiganite mwena wa Homabay.
Mucemanio uyu urevokwa gwikikira Sikri Technical and vocational Training Institute mwena ucio wa Homabay na urevokwa kuguciriria atongoria makiria ya 700 a miena ya Siaya, Kisumu, Homabay, Migori, Kisii, Nyamira na kaunti itiganite.
Muthenya wa igoro atongoria na aria marevoketwe gwikinyia thiini wa mucemanio uyu nimareranire kunyita mbaru mutongoria wa kiama kia ODM Raila Odinga kuvuranira giturwa kia uraisi mwaka wa 2022.
Mucemanio uyu ukite wariria mutongoria wa vururiri Rais Uhuru Kenyatta muthenya wa igoro thiini wa ndumiriri yake arongerere watho wa mwiyugo kana curfew na mithenya 60 wa undumwe na gukanja micemanio itiganite vanduri va mithenya 60 iri vamwe na iria ya giuteti kana kambeni.
Kuvitukira ndumiriri yake mwandiki munene wa kiama kia ODM Edwin Sifuna augite mucemanio uyu niuthiie nambere gukirumagirirua mawatho ma kwigita murimu wa covid 19.
Vuva wa kuma mwena ucio wa Nyanza Raila Odinga arevokwa gucera mwena wa kakamega na vuva wa uguo miena ya North Eastern, Eastern, Rift Valley wa undumwe na miena ya Nairobi.
Mbica irutitwe online
Mwende Jackie
