Mwarimu umwe wa miaka 44 kuma itura ria Kanyadhiang’, gicigo mbunge gia Karachuonyo countiri ya Homa Bay niwaniririte wendi wake wa kuvuranira giturwa kia urais kithuranori kinene kia mwaka wa 2022.
Felix Jarongo Odeny niugute akavuranira giturwa giki erungamitie ta mundu kiumbe atagutumira kiama wa kionthe.
Athiite na mbere kuuga niakoretwe akimereria giti giki mata gwa kavinda kanene na athurwa akereta uthii wa na mbere niundu gutiri kiama gigakorwa gikimucukuma utongoriari wake.
Atigire wira wake wa kuthomithia cukururi wa St Augustine University vururiri wa Tanzania mwakari wa 2018.
Odeny niugite wana akorwa timukinyu kiwango kiria mwingi ungiivoka gi siasa cia muvuraniri wa giti kia Rais undu uyu ndungimugiria gukinyaniria kiroto giake.
Engi aria marevokwa gugakorwa mari kithuranori giki ni vamwe na munini wa Rais William Ruto, Mukhisa Kituyi na muthikavu Zablon Karanja Mbugua.
Mbica irutitwe online
Njagi Ndathi
