Vururi wa South Africa ukavingura uvecani wa njanjo cia covid-19 kuri aria mari na ukuru wa miaka 18 nginya 35 muthenya wa rucio, ino ni kuringana na ndumiriri iria ivecanitwe ni thirikari ya vururi ucio ikigeria gutigirira nimacanja andu engi uria magivota.
Vururi uyu wa South Africa niguo wandikithitie namba nene ya aria monekanite na covid-19 na aria matoretue ni murimu uyu gitaruri kia Africa nwati gukinyagia riu macanjite andu nthi ya gicunji kia 8 vari igana kia andu million 60.
Njanjo cia mbere ciaverwe aruti wira a ugima wa mwiri kwambiriria gatagati ka mweri wa kairi namo ari akuru makivewa njanjo kwambiriria gatagati ka mweri wa gatano.
Thirikari ino irongoretie gucanja andu 300,000 ikiuga nigukinya mwico wa mweri uyu nwati vari mathaa 24, macanjite andu 195,000.
Mari na mivango ya gucanja andu million 35 ikiuga nigukinya Decemba ikiringanithiua na andu million 7.7 aria macanjitwe gukinya riu.
Mbica irutitwe online
-Mbuya Ngari-
