Mbukaniriro gatagati ka ategi a nthamaki na arithi a maviu vururiri wa Cameroon niitigite andu 32 mari akuo na gucukuma makiri ma andu kuthamira vururiri wa Chad gucutha ugitiri, ino ni kuringana na ruvonge rwa kumenyerera aria matorokete kwao.
Maugite andu engi 74 nimatigitwe na ngurario namo matura 19 makivivua.
Atongoria a Chad nimaarivotete gukinya kwa andu 11,000 aria maravinyurira thina uyu namo engi 7,300 makithamithua vururiri ucio wa Cameroon.
Gicunji kia 85 vari igana kia aria mathiite Chad kuma Cameroon ni atumia na ciana namo anduarume aria engi ni aria akuru.
Riu maavithaa a Cameroon nimaambiriritie kuruta wira niguo gucokia umariru vururiri uyu na gutethia aria mavutitue ni mbukaniriro ino.
Mbica irutitwe online
-Mbuya Ngari-
