Cukuru imwe mwene wa Syokimau niivingitwe vuva wa mai ma sewage gutonya irathiri.
Utongoria wa cukuru ino na mwingi uria uturite vakuvi na cukuru ino riu marauga thiina uyu uretetwe ni ni waki wa njira uria urathii na mbere gicigori giki.
Cukuru wa Little Bees Kindergarten na Primary school niuvingitwe vanduri va ciumia ithatu vuva wa mai ma sewage gutonya irathiri ciao na nginya ivarori kuria arutwa mathakagira.
Donna Cheptoo uria neke mwene cukuru ino augite nimathamirite vandu vengi gwa kavinda gaka nwati niaratara ngarama muno tondu kwarakomborire niguo arutwa mone vandu mangithomera.
Kiama kia mbunge kiria kurumbuanagia na maria maturigicirie nigicerete cukururi ino na wauguo kiauria kampuni ya China Road and Bridge Corporation gutigirira nimathiria thina uyu niguo ciana icokerere mathomo mao.
Cheptoo niugite kuma riria kamiti ya kiama kia mbunge gicerire cukururi ino nionete ugaruruku munene tondu mundu uria avetwe karandarathi ya kuthondeka njira gicigori kiu niathiite na mbere kuruta giko cukururi ino.
Mbica irutitwe online
Njagi Ndathi
