Nyamu imwe muthemba wa ngari nithithukirite andu airi na ikimaumiria mwena wa Sigor,Bomet.
Nyamu io irugire andu acio airi vuva wao kumikia mathiga niguo itikarie mburi ciao iria mararithagia.
Felix Kirui wa miaka 28 niuratwariwe thivitari wa Longisa varia arari na nthakame kumana na ndivangio cia nyamu io.
Kuringa na civu wa gicigo bunge kia Oreyet Samuel Koech nyamu iyo iracokire yethitha kithakari yarikia gutivangia andu acio.
Mavitha a vorithi a nyamu cia kithaka nimarakinyire na makivota kuraga nyamu io.
Ndeto ino yukite vuva wa ng’ondu cia murimi umwe kuriwa ni nyamu itaramenyekana ciumia nthiru.
Munene wa maavitha a vorithi a Chepalungu Nelson Masai augite maavitha a vorithi a nyamu cia kithaka nimakuthii na mbere kuratia nyamnu iria ingikorwa itorokete Masai Mara.
Mbica irutitwe online
Maitha Ngari
