Maavitha a vorithi ,Garissa nimamurikitwe vuva wa gwikia ngono mutumia umwe utuku wa kuramukira umunthi na gutiga ciana ciake ,ari vamwe na mwana wa ukuru wa mithenya 15 matari mundu wa kumarumbuiya.
Mutumia uyu uria uramenyekana ta Saadia Adhana augite maavitha 6 a vorithi maramuthithukire mucii gwake Bula Makka vakuvi na tauni ya Garissa na kumwikia ngono .
Adhana augite ndanavewa kavida ga gucaria vandu angitiga ciana ciake varia augite maavitha a vorithi matinamuva gitumi gia kumwikia ngono nwati maramwingiririe ngariri yao na avingirwa stationiri ya vorithi .
Maavitha a vorithi morotete mutumia uyu nigukorwa aramarigiririe gwikia ngono muthuri wake uria uravotire gutoroka .
Andu a mucii wa Adhan maugite maracukumirwe kuvira kana karia karatigirwe stationiri ya vorithi niguo gakongithue.
Muteteri wa ivoto cia umundu Garissa Fatuma Ahmed numenereretie njira iria maavitha a vorithi maratumire gwikia ngono mutumia uyu.
Wauguo nuritie inspecta general wa vorithi gwocera ikinyo maavitha a vorithi aria marakuruvanua na gicanjama giki.
Mwenari wake OCPD wa Garissa Joseph Muriuki augite mutumia uyu nikwa aratethererie muthuri wake gutoroka na uria uracaranagua nake ni maavitha a vorithi varia ongererete maavitha aya matiramenyaga arai na mwana munini
Wanja wa Njiru
Mbica irutitwe online
