Vuva wa igoti ria gucokia cira riko kunyita mbaru itua ria igoti rinene ria kugwithia rivoti ya BBI kivwai kia umunthi, akenya engi nimayumiritie na kwonania gikeno kiao kumana na wamuri wa igoti rii.
Aria maritie na metha yetu ya movoro kuma guku Embu matugiritie itua riu na kuga igoti nirirugamite na Uma ni gukorwa muvango uyu ndwarumiririte Uma na waragania.
Maugite kuvetukua kwa rivoti io kungiathii na mbere gukiriria magoti kuri akenya na kuthii na mbere kumaturia mutondori wa uthini.
Kiria kiratura ekari aya muno ni ati mukenya wa kirathi kia nthi ndakuruvanua uthondekiri wa rivoti io ya BBI.
Acirithania mugwanja mari vamwe na manjanji Fatuma Sichale, Francis Tuiyot, Gatembu Kairu, Patrick Kiage, Hannah Okwengu, Roselyn Nembuye na Daniel Musinga nio mathikiriritie cira ino.
–Muriithi Triple M
