Maavitha a uthuthuria wigie ikuo nimathikuritie mwiri wa keritu ga ukuru wa miaka 12 Grace Njeri kuma kaunty ya Uasin Gishu iri mwaka umwe na mieri ithatu kuuma keritu gaka kathikwa.
Njeri ekuiritwe kunyitwa kiavinya na gutemangwa ni Evans Juma Wanjala uria witikirite gukorwa akigera ngero cia uragani.
Ekari a guku marerorerie mwiri uyu ukithikurua na kimako kinene nwati andu a mucii wake maugite nimagite mwivoko kivoto nigikwoneka.
Kuringana na Nyina wa Njeri augite Wanjala ndagera ngero ino ari wawenga nikwona mwana wake atemangitwe maita mengi .
Ithimi cia DNA na postmortem iria ciivoketwe gwikwa niitumika thiini wa nthitango ithano iria Wanjala athitangitwe nacio cia kunyitana kiavinya na uragani .
Mweri muthiru Wanjala niwavirire maavitha a uthuthuria icigori ithano iria auragire ciana cia gatagati ga ukuru wa miaka 11 na 14 .
Wanjala ekuiritwe kuraga Mary Elusa uria wari na ukuru wa miaka 14, Grace Njeri wa ukuru wa miaka 12 ,Stacy Ochieng wa ukuru wa miaka 13 ,Linda Cherono wa ukuru wa miaka 13 na Lucy Wanjiru wa ukuru wa miaka 11.
Wanja wa Njiru
Mbica irutitwe online
