Vuva wa mbathi imwe ya cukuru wa Lions Primary, kuvivua niundu wa kuuraga mutwarithia wa vikiviki mutinori wa varavara Embu, andu ngurani nimathiite na mbere kuruta mawoni mao iguru ria giko kiu.
Akiaria na Kimuri FM mwenegiti wa onjoria rungu rwa Kenya Chambers of Commerce and Industries gicigori bunge kia Runyenjes Jamal Runyenje niucakaite na mucii wa mutwarithia wa vikiviki na gutara mwingi kwithema na gwocaga watho njarari ciao.
Jamal auritie mwingi gukoragwa metho varavarari na kumatara matwarithagie ngari kana vikivikina njira iria yagiririkite makirumagirira watho.
Mitino micuku ya varavara maita mengi inyitithagua na utwarithia mucuku wa ngari kana vikiviki kuria matereva morotagwa ni kurega kurumirira mawatho ma varavara.
Mbica irutitwe online
Maitha Ngari
