Ruvonge rwa ugima wa mwiri niruaniririte andu ngiri imwe , igana rimwe ria mirongo itandatu na atandatu kuonekana na murimu wa covid 19 muthenya wa umunthi namba iria yumite kuma kuri ithimi ngiri kenda , magana kenda ma mirongo iiri na inya iria ciikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 11.8 vari igana .
Namba ya aria manyitikanite na murimu wa covid 19 vururiri ikinyite ngiri magana mairi ma mirongo ithatu , magana mugwaja ma mirongo kenda na anna nacio ithimi igikinya millioni ingiri , ngiri magana mathatu ma mirongo iiri na ithathatu , magana matano ma mirongo kenda na inyanya.
Kuma kuri namba ya umunthi akenya ni 1,144 nao 22 maumite nja ya vururi,616 ni atumia nao arume mai 550 varia uria munini muno ni mwana wa mieri iiri nake uria mukuru muno aina ukuru wa miaka 108.
Thiini wa kaunti iria ciandikithitie aruaru Nairobi 347, Kiambu 208, Kajiado 66, Nakuru 55, Migori 39, Murang’a 37, Machakos 32, Kitui 32, Nandi 31, Garissa 30, Mombasa 30, Busia 25, Nyandarua 24, Makueni 22, Nyeri 21, Baringo 17, Trans Nzoia 16, Uasin Gishu 15, Embu 15, Kisii 14, Kakamega 12, Kericho 11, Narok 10, Meru 9, Laikipia 6, Kisumu 5, Siaya 5, Bungoma 5, Kilifi 4, Bomet 3, Mandera 3, Marsabit 3, Samburu 3, Turkana 2, Lamu 2, Hama Bay 2, Kirinyaga 1, Tana River 1, Wajir 1, West Pokot 1 na Elgeyo Marakwet 1.
Minista wa ugima wa mwiri Mutahi Kagwe augite andu ngiri imwe , magana kenda ma umwe nimavorete murimu wa covid 19 na gukinyia namba ya aria mavorete vururiri iri ngiri magana mairi ma ikumi na atano , magana mathatu ma mirongo mugwaja na anna.
Kunariuguo andu 36 nimatoretue ni murimu wa covid 19 gikuo kimwe gigikika rungu rwa mathaa mirongo iiri na manna mavituku na ikuo 35 ikiripotwa iri ikuo njerere na gukinyia namba ya ikuo vururiri iri ngiri inya , magana matano ma mirongo itandatu na inya.
Mbica irutitwe online
Mwende Jackie
