Maavitha a vorithi muthenya wa umunthi nimarungamitie gwa kavida mathiko ma uria urai MCA wa wardi ya Mahoo Ronald Sagurani kauntiri ya Taita Taveta makiorota kwagaragwa kwa mawatho ma COVID 19.
Maavitha aya mathengutirie magema maria marari mucii uyu na kwingata andu aria marekinyitie mathikori mama.
Kuringana na ndumiriri iria iravecanitwe andu anini nio maretikiritue gwikinyia mathikori mama mari andu a vakuvi a muciina munini wa raisi William Ruto .
Kunari uguo andu engi nimeyumirie undu ucangirire maavitha a vorithi kumathamburukania.
Akiariria mwingi Ruto nuvoete muvera kuri mwingi nundu wa gicanjama giki varia augite ni uteti utagiririkite na guturira muciii uyu gitio.
Akiaria uvoro wigie ndumiriri ya raisi Uhuru Kenyatta ya kumuria atige wira Ruto augite ari na mworoto uria avangite kuvingia na ndangicoka na vuva.
Wauguo nuritie atongoria kunyitanira na kurutithania wira vamwe na thayu niguo kureta miradi ya uthiyi wanambere.
Wanja wa Njiru
Mbica irutitwe Online
