Ruvonge rwa kuroria uruti wira wa maavitha a vorithi IPOA nimambiriritie gwika uthuthuria vuva wa gikuo kia mundumurume umwe kiria gikuiritwe gicangiritwe ni maavitha a vorithi Kahawa West, kauntiri ya Kiambu kirauko kia umunthi.
Mundumurume uyu erikite arathirwe vindi iria maavitha a vorithi makuthamburukanagia ekari aria makururunganaga makimenereria kwomorerwa ivanda ciao.
Mwena wa ukui na mbiashara niivutirwe muno ni mururungano uyu varavarari nene ya Kahawa West na iria ya Kiambu.
Onjoria matetete makiuga ivanda ciao ciomorirwe kirauko tene ni maavitha kuuma Nairobi Metropolitan Services na matiramenyithitue uvoro wa womori uyu.
Mwenegiti wa IPOA Ann Makori augite nimagukorwa makithuthuria kana gikuo giki gicangirwe ni maavitha a vorithi.
Wauguo augite team ya uthuthuria nitumitwe guku niguo kuthuthuria uria maavitha a vorithi makorirwe magitwarithia nambere uthamburukania wa arurungani.
Wavo IPOA yugite uthuthuria nwauthiite nambere gwikwa wa gikuo kia mundumurume uria wikuiritwe gukorwa ativangirue muno ni maavitha a vorithi mwena wa kayole kiumia kithiru .
Riu mauritie aiyra kwiyumiria aria monire mundumurume ucio akitharikirwa ni maavitha a vorithi.
Wanja wa Njiru
Mbica irutitwe online
