Vururi wa kenya wandikithitie aruaru ngiri imwe , magana mairi ma mirongo itano na anana a murimu wa covid 19 muthenya wa umunthi kuma kuri ithimi ngiri kenda , magana manana ma mirongo itandatu na inyanya iria ciikitwe rungu rwa mathaa mirongo iiri na manna mavituku na gukinyia gicuji kia aruaru amurimu wa covid 19 kiri 12.8 vari igana.
Kuringana na ndumiriri iria irekereretwe muthenya wa umunthi ni ruvonge rwa ugima wa mwiri namba ya aria manyitikanite na murimu wa covid 19 vururiri ikinyite ngiri magana mairi ma mirongo ithatu na airi , na mirongo itano na airi nacio ithimi iria ciikitwe igikinya millioni ingiri , ngiri magana mathatu ma mirongo ithatu na ithathatu , magana manna ma mirongo itandatu na ithathatu.
Kuma kuri namba ya umunthi akenya ni ngiri imwe , magana mairi ma athatu nao 55 makiuma nja ya vururiri ,647 mari atumia nao arume mari 611 uria munini muno ni mwana wa mieri itandatu nake uria mukuru muno aina ukuru wa miaka 98.
Thiini wa kaunti iria ciandikithitie aruaru kaunti ya Nairobi 479, Kiambu 132, Nakuru 81, Kitui 56, Embu 43, Murang’a 43, Nyandarua 42, Machakos 38, Garissa 36, Mombasa 29, Kisii 28, Makueni 17, Lamu 17, Kajiado 16, Turkana 16, Meru 15, Kilifi 14, Wajir 13, Isiolo 13, Bungoma 13, Busia 13, Kirinyaga 12, Uasin Gishu 12, Kakamega 11, Tana River 11, Siaya 7, Narok 7, Kisumu 5, Laikipia 5, Marsabit 4, Bomet 4, Elgeyo Marakwet 4, Homa Bay 4, Kericho 4, Nandi 3, Nyeri 3, Vihiga 2, Migori 2, Baringo 2, Tharaka Nithi 1 na Trans Nzoia 1.
Kunariuguo andu 36 nimatoretwe ni murimu wa covid 19 cionthe ikianirirua iri ikuo njerere cia mieri itiganite na gukinyia namba ya ikuo vururiri iri ngiri inya,na magana matandatu. Namba ya aria mavorete murimu wa covid 19 vuririri ikinyite ngiri magana mairi ma ikumi na atandatu ,igana rimwe ria mirongo iiri na mugwaja ino ni vuva wa andu magana mugwaja ma mirongo itano na athatu kwanirirua kuvora murimu wa covid 19 muthenya wa umunthi.
Mbica irutitwe online
Mwende Jackie
