Atongoria matiganite nimacemanitie umunthi kanithari imwe mwena wa Nairobi niundu wa igongona ria kuririka muturire wa mutigairi senator wa kworotwa Victor Prengei uria wakuire kiumia kithiru vuva wa mutino wa varavara iturari ria Kaptembwa varavarari ya kuma Nairobi kuthii Nakuru.
Muthenya wa rucio nario nirio andu a itura ria gwake magakorwa makiona mwiri mbere ya igongona ria mathiko rikike muthenya wa Jumamosi.
Kamiti ya senate iria icaguritwe gutigirira mutongoria uyu niwavewa gitio giake kia muthia na njira iria yagiririkite nimekinyitie gwake mucii niguo kuroria muvango ya mathiko uria ithiite nambere.
Wavo kamiti ino yugite makinyo monthe maria mekiritwe ni ruvonge rwa ugima wa mwiri ma kurua na murimu wa covid-19 nimakarumirirwa niguo kurigiriria gutambia makiria murimu uyu.
Mbica irutitwe online
-Mbuya Ngari-
