Namba ya aria manyitikanite na murimu wa covid 19 vururiri ikinyite ngiri magana mairi ma mirongo ithatu na airi , magana manana ma mirongo itandatu na kenda ino ni vuva wa andu magana manana ma ikumi na mugwaja kuoneakana na murimu wa covid 19 muthenya wa umunthi na gukinyia gicuji kia aruaru a murimu wa covid 19 kiri 12.9 vari igana .
Namba ya umunthi iraumite kuma kuri ithimi ngiri ithathatu , magana mathatu ma mirongo itano iria ciikitwe rungu rwa mathaa mirongo iiri na manna mavituku na gukinyia namba ya ithimi iria ciikitwe vururiri iri millioni ingiri , ngiri magana mathatu ma mirongo inna na ingiri , magana manana ma mirongo itandatu na kenda.
Kuma kuri namba ya umunthi akenya ni 802 , 15 maumite nja ya vururiri ,427 ni atumia nao anduarume mari 390 uria munini muno ni wa ukuru wa mieri inna nake uria mukuru muno aina ukuru wa miaka 110.
Kaunti iria ciandikithitie aruaru kaunti ya Nairobi niyo itongoretie na aruaru 215, kiambu 110, naikuru 45 kericho 44, Uasin Gishu 35, Kajiado 32, Machakos 32, Nyandarua 31, Kitui 30, Makueni 28, Kilifi 24, Garissa 24, Nyeri 23, Murang’a 21, Kirinyaga 14, Embu 13, Kisii 12, Laikipia 11, Tana River 10, Busia 8, Mombasa 7, Kakamega 6, Narok 6, Lamu 6, Baringo 5, Nandi 5, Siaya 4, Homa Bay 3, Samburu 3, Elgeyo Marakwet 2, Trans Nzoia 2, West Pokot 2, Marsabit 1, Meru 1, Kisumu 1 naVihiga 1.
Kunariuguo andu 644 nimavorete muthenya wa umunthi na gukinyia namba ya aria mavorete muthenya wa umunthi mari ngiri magana mairi ma ikumi na atandatu , magana mugwaja ma mirongo mugwaja na umwe.
Namba ya ikuo vuruiriri ikinyite ngiri inya , magana matandatu ma mirongo ithatu na ithano ino ni vuva wa ikuo 35 kwanirirua muthenya wa umunthi ikuo 34 ikianirirua iri ikuo njerere na gikuo kimwe gigikika rungu rwa mathaa mirongo iiri na manna mavituku.
Mbica irutitwe online
Mwende Jackie
