Nigukoretwe kwiina mateta mengi kwona ati andu engi aria meyandikithitie kwamukira mautethio ngurani ma thirikari ta mbeca cia ukuru na mbeca cia andu aria mai na mawathe matikinyagirwa ni mbeca ino.
Kurumirira mateta mama, muvuraniri wa ivoto cia mwingi Taratisio Ireri Kawe nieyumiritie gukuma andu aria marateithia mikinyo aria meyandikithitie kugwata mautithio mama nwati matiragwata makimera mathii gwake niakumatethia.
Niathiite na mbere kuuga aravuranira ivoto cia mwingi kuvitukira wandekithia uria andikirite mbunge ya senate na iria ya kivururi na kuga niagutigirira andu aya nimambiriria kugwata mbeca ciao.
Wauguo niuritie arugamiriri a icigo mbunge cia guku Embu matigirire nimaragwata mbaru mendekithia make maria akoragwa akiandikira mbunge niguo gutigirira nigwakorwa na uthii wa na mbere.
Mbica irutitwe online
Njagi Ndathi
