Athuthuria kuma vururi wa Ngeretha mauigite nimekite uthuthuria uria uronania ati vinya wa njanjo cia Pfizer na AstraZeneca wa kugiriria murimu wa covid-19 urambiriria kuthira vuva wa mieri itandatu.
Vuva wa mieri itano kuthii itandatu kuma mundu amukira njanjo ino, vinya wa njanjo ya Pfizer wonekire ugikuruka kuma gicunje kia 88 vai igana nginya gicunje kia 74 vai igana guku naguo vinya wa AstraZeneca ugikururka kuma gicunje kia 77 vai igana nginya gicunje kia 67 vai igana.
Uthuthuria uyu gatagatiri ka andu mwigana wa million 1.2.
Uthuthuria uyu niuthiite na mbere kwonania ati vinya njanjo ino nwawikuruke nginya nthi ya gicunje kia 50 vai igana kwii andu aria akuru na aruti wira a ugima wa mwiri.
Athuthuria aya nimaugite thirikari niivatie kwambiriria gwiciria uria mangiongerera njanjo ino vinya tondu ugwatania wa murimu uyu niuthiite na mbere kwambatirira. Ngeretha niamberiritie mivango ya kwongerera andu aria akuru na aria engi mai ugwatiri wa kugwatwa ni murimu uyu njanjo ya kathatu mweri wa kenda.
Mbica irutitwe online
Njagi Ndathi
