Mwandiki munene wa muungano wa COTU Francis Atwoli numenereretie thirikari nundu wa uria maavitha a GSU marakorirwe makithengutua muciiri wa munini wa raisi William Ruto.
Atwoli augite thirikari ningirambite kumenyithia Ruto, nugucenjerua maavitha aria makoretwe makimuva ugitiri .
Wauguo augite ndaretikania na itua riria thirikari irocire varia augite ugitiri wa mukenya wa wonthe ni wa vata makiria na wagirirwe kurumbuwa.
Atwoli athite nambere kuuga kwagirirwe gukorwa na kwaraniria na mundu kwereithua gitumi kia moogaruruku maria marekika na marekika nundu wa ndui nwati ti mundu gwikinyia mucii gwake na kwithira andu aceru maretirwe kuo.
Miario ya Atwoli yukite vuva wa maavitha a ugitiri a GSU aria maramatagia ugitiri muciiri wa Ruto mwena wa Karen kuthengutua na kwaretwa maavitha kuuma ruvonge rwa ugitiri wa nyomba cia thirikari undu uthiite nambere na gututhura mawoni ngurani .
Ovici ya munini wa raisi yugite moogaruruku mama ni mugaru na watho .
Kunari uguo agitetera itua riri mwaria wa National Police Service Bruno Shioso augite gucejua kwa maavitha aya ni moogaruruku monekaga thiini wa uruti wira wa maavitha a vorithi niguo gutigirira kwina wigiririki wirari wao .
Wanja wa Njiru
Mbica irutitwe online
