Vururi wa kenya wandikithia aruaru 932 murimu wa COVID 19 muthenya wa umunthi na gukinyia namba ya aria monekanite na murimu uyu mari 233,801.
Kuringana na ndumiriri iria ivecanitwe ni ministry ya ugima wa mwiri namba ya umunthi yumanite na ithimi 9,424 iri ciikitwe rungu rwa mathaa 24 mavituku na gukinyigia gicuji kia aria monekanite na murimu wa Covid 19 kiri 9.9 vari igana .
Kuri andu aria manekanite na virus cia corona umunthi, mundu uria mukuru muno ari na ukuru wa miaka 100 nake uria munini muno ni mwana wa mieri 11.
Andu 909 maumite vururi wa Kenya nao 23 maumite nja ya vururi , anduarume ni 473 nao atumia ni 459 .
Kaunty ya Nairobi itongoretie na andu 282 ikirumirirua ni kaunti ya Kiambu na andu 91.Kitui 66, Nakuru 65, Kajiado 62, Murang’a 46, Marsabit 32, Machakos 29, Garissa 25, Nyandarua 21, Tharaka Nithi 20, Isiolo 17, Mandera 14, Turkana 13, Uasin Gishu 11, Mombasa 11, Laikipia 11, Meru 10, Busia 10, Kakamega 9, Kisii 9, Tana River 8, Lamu 8, Homa Bay 6, Kericho 6, Bungoma 5, Taita Taveta 5, Nyeri 5,
Kilifi 5, Makueni 5, Migori 4, Wajir 4, Elgeyo Marakwet 3, Embu 3, Kisumu 3, Nandi 2, Narok 2, Siaya, Trans Nzoia West Pokot na Bomet mundu umwe wa kaunty.
Kunari uguo andu 1,457 nimavorete murimu wa Covid 19 varia 1,309 mararoragua mari miciiri nao 148 marekereretue kuuma thivitari ngurani vururiri.
Nacio ikuo kumana na murimu wa COVID 19 ikinyite 4,666 vuva wa andu 31 gutorua ni murimu uyu varia gikuo kimwe kionekete muthenya wa umunthi na ikuo 30 cionekanite tariki ngurani mweri wa mugwanja na wa kanana mwakari .
Wanja wa Njiru
Mbica irutitwe online
