Mundumurume wa miaka 39 kuma kauntiri ya Nakuru niwikitue ngono umunthi kiroko vuva wa kutharikira na kumunda mundumurume wingi vuva wa kumwithira mamamie na mutumia wake.
Micah Nyaberi amundire Bonface Maina Njagi wa miaka 34 vuva wa gucoka mucii gwake mwena wa Kagoto aumite wirari na kumwithira na mutumia wake Harriet Vivian Mboga ngero iria ikikire thaa kenda cia kiroko umunthi.
Kuringana na maavitha a kurua na wikinai DCI, Nyaberi acokire mucii atari muvuru rivoti niukite na riria amethiririe niurigirwe Njagi niekaga atia gwake mbere ya kumuriva mateke na ngundi.
Njagi akithaithana ooce iratu ciake niguo athii nirio Nyaberi amumundire mugongo.
Andu aria maturaniritie namo nimo meetire maavitha a vorithi kuma Kagoto aria meethire Njagi ari kivingori ecuritwe ni nthakame.
Riu Nyaberi na mutumia wake nimekitue ngono na mavecanwa kuri maavithaa a DCI mwena wa Nakuru ya iguru niguo kuvirithia nambere uthuthuria.
Mbica irutitwe online
-Mbuya Ngari-
