Andu 346 nimonekanite na murimu wa Covid 19 muthenya wa umunthi vuva wa ithimi 3,553 gwikwa rungu rwa mathaa 24 mavituku , ino ni kuringana na ndumiriri iria ivecanitwe ni ministry ya ugima wa mwiri.
Gicuji kia aria monekanite na murimu wa Covid 19 riu gikinyite 9.7 vari igana varia namba ya aria monekanite na murimu uyu ikinyite ngiri 235,298.
Nambari ya muthenya wa umunthi andu 333 ni akenya nao 13 maumite nja ya vururi .Anduarume ni 161 nao atumia mari 185. Uria mukuru muno ari na ukuru wa miaka 95 nake uria munini muno ni mwana wa mieri ithatu.
Kaunty ya Nairobi yandikithitie andu 201, Nakuru 38, Murang’a 14, Machakos 10, Kiambu 9, Uasin Gishu 9, Kajiado 8, Kitui 7, Mandera 6, Nyandarua 5, Trans Nzoia 4, Embu 4, Garissa 4, Tana River 4, Bungoma 3, Laikipia 3, Makueni 3, Mombasa 3, Siaya 2, Kakamega 2, Vihiga, West Pokot, Meru Kericho, Elgeyo Marakwet, Nyeri na Taita Taveta mundu umwe wa kaunty .
Andu 1,404 nimavorete murimu wa Covid 19 varia 1,327 mararoragua mari miciiri yao nao 77 marekereretue kuuma thivitari ngurani vururiri.
Minista wa ugima wa mwiri Mutahi Kagwe wauguo aniriririte andu 10 nimatoretue ni virus cia corona ikuo cionekanite tariki ngurani mweriri vario ikuo ikinyite ngiri 4,720.
Kuringana na ruvonge rwa ugima wa mwiri njanjo 2,752,266 niivecanitwe vururiri igikinya tariki 29 mweri wa kanana mwakari .
Dose ya mbere iri 1,949,340 naya kairi iri 802,926
Wanja wa Njiru
Mbica irutitwe online
