Ritwa ria vandu rigerekanagua na kindu, undu kana mundu wari kuu kavinda kau ga tene na riu umunthi muvangori wa thuguri maturari tuguceretie iturari ria Maramuri wardiri ya Makima kauntiri ya Embu niguo kumenya kiumo kia kiritwa riri.
Simon Nyaga Nduruci uria ni mutongoria wa itura riri nutariritie na kuuga ritwa riri riaumanire na maramu iria ikoragwa iri iturari riri, na iria yatumirwe kuthondeka varavara iria yumiririte Viai.
Mbere ya andu magatura guku andu nimaukaga kurora miatu na kugwima nwati riu nimatonyererete urimi.
Vuva wa maramu ino kwinjwa nigwatigirwe marima mengi maria ekari a itura riri magwatanire na kumathika na vuvari gwaka nyomba cia wonjoria.
Riu nimaugite nigue mbiacara ciao ithereme nimaravatara thitima na uguo kuuria atongoria ao na muno makiria uria uri vakuvi MCA Philip Nzangi kumarumbuiya.
Na arikuo kuumaga maramu urevoka varavara cionthe gukorwa iri nthondeke nwati kuri na njira itathondeketwe varia mauritie MCA Nzangi kumathondekera varavara ino cia gutonya maturari niundu itivitukaga kwaura.
-Mbuya Ngari-
