Raisi muceru wa vururi wa Zambia Hakainde Hichilema nucejetie komonda wa mbiraru na munene wa vorithi vururi ucio.
Raisi Hichilema aranirire komanda aceru a mbiraru vamwe na a ruvonge rwa air force na anini ao wana inspecta general wa vorithi muceru.
Nao komicina a vorithi thiini wa icigo ngurani vururiri wa Zambia nimathengutitue iturwari ino nwati aria magwoca iturwa ciao matianiriritwe.
Mutongoria uyu augite aria magukumite thiini wa iturwa ngurani kavidari gaka magirirwe ni kurutira mwingi wira na njira iria yagiririkite makirumbuyagia ivoto cia andu , na gutia wiyathi wao.
Wauguo augite maavitha a vorithi matiagirirwe ni gwikia ngono mundu mbere ya kurikia uthuthuria.
Raisi Hichilema uria wandikithirie uvotani munene vindi ya kithurano mweri muvituku ,anakorwa akinyamarua ni maavitha a vorithi varia anaikua ngono maita mengi noguo kwiririra kurua na kunyamarua kwa mwingi ni maavitha a vorithi .
Wanja wa Njiru
Mbica irutitwe online
