Arumiriri 13 a kiama kia United Democratic Alliance UDA aria maikirue ngono mari mukawari umwe mwena wa Homabay magikuruvanua na kwagarara mawatho ma Covid 19 nimakinyitue igotiri.
Makinyirue mbere ya mucirithania Joy Wesonga igotiri ria Homabay na kuthitangwa na ivitia ria gukorwa na mucemanio utari mwitikirie.
Arumiriri aya a UDA na aria maikirue ngono muthenya wa Jumaa tariki 27 mwakari nimetikirite nthitango ino varia mavainitwe ciringi 2,000 wa mundu kana kiovo kia mweri umwe .
Wauguo nimavoire muvera nundu wa kwagarara mawatho maria mavecanitwe.
Akivecana itua , mucirithania Wesonga augite marega kuriva vaini ino nimakwovwa kiovo kia mweri umwe wa mundu .
Kunari uguo mari na kavida ka mithenya 14 gucokia ciira riko .
Wanja wa Njiru
Mbica irutitwe online
