Seneta wa Nandi Samson Cherargei riu niauritie atongoria a ugitiri guku vururiri merethie gitumi kiria gitumite macenjerie munini wa rais William Ruto maavithi aria makoretwe makimuva ugitiri.
Cherergei augite Minista wa ugitiri wa ndari ya vururi Fred Matiangi, Inspecta munene wa vorithi Hilary Mutyambai, Commanda wa ugitiri wa Rais na Commanda wa maavitha a vorithi a ruvonge rwa GSU mekinyie mbere ya kiama kia mwanya mbungeri ya senate niguo mavecane itumi iria ciacangirire gucenjeria munini wa rais ugitiri miciiri yake undu uria ataalamu engi a uteti na ugitiri maugite ni mugaru na watho.
Kiumia kithiru maavitha 77 a vorithi a ruvonge rwa GSU nimarutirwe muciiri wa munini wa rais wa Karen na uria wingi wa Sugoi na gucenjanwa na maavitha a vorithi kuma ruvongeri rwa Administration Police(AP).
Mbica irutitwe online
Njagi Ndathi
