Minista wa ugitiri wa ndari ya vururi ndagitari Fred Matiang’i niutanyitue gukinya mbere ya kamiti ya mbunge ya kuramata wathani na ugitiri wa kivururi kuariria ndeto igii ugitiri wa munini wa Rais William Ruto.
Matiang’i auritue gukinya mbere ya kamiti ino ruciu vamwe na avithaa munene wa vorithi, Hilary Mutyambai.
Thiini wa marua iria ivecanitue ni karani wa mbunge ino Michael Sialai yugite kuthengutua gwa maavithaa a General Service Unit kuuma miciiri ya Ruto na kuretwa gwa maavithaa a AP ni undu uvutitue ugitiri wa kivururi na uvatie kurumbuiywa nevenya na kuthiranua naguo.
Umunthi kiroko Ruto niutecaniritie ikinyo riri ria kuuria airi aya mekinyie mbere ya kamiti ino na kuuga guku ni gutaa mathaa ma mbunge ni undu mama ti maundu mari na vata.
Ruto akiuga ruvonge rwa Administration Police ni ruvonge rwiina umenyo maunduri megii ugitiri na aria makwenda kumavuthia nimaravitia guku akiongorera mbunge ya kivururi ivatii gwikirira icigo iria ciina uvaguki wa ugitiri niundu wa wyii wa indo cia nthakame na kuona uria ugimatua.
Kaari wa Mugendi
Mbica irutitue online
