Ruvonge rwa ugima wa mwiri niruaniririte andu ngiri imwe na ikumi na anana kuonekana na murimu wa covid 19 muthenya wa umunthi . namba iria yumite kuma kuri ithimi ngiri kenda , magana mathatu ma mirongo inna na mugwaja iria ciikitwe rungu rwa mathaa mirongo iiri na manna mavituku na gukinyia gicuji kia rauru a murimu wa covid 19 kiri 10.9 vari igana .
Gukinyia riu andu aria manyitikanite na murimu wa covid 19 vururi makinyite ngiri magana mairi ma mirongo ithatu na atandatu , magana manana ma mirongo inana na umwe nacio ithimi iria ciikitwe igikinya millioni ingiri , ngiri magana mathatu ma mirongo inana , magana kenda ma ikumi na inyanya.
Kuma kuri namba ya umunthi akenya ni magana kenda ma mirongo kenda na atano ,23 makiuma nja ya vururi ,magana matano ma mirongo iiri na airi ni atumia nao anduarumee mari magana manna ma mirongo kenda na atandatu , uria munini muno ni mwana wa mieri ikumi na imwe nake uria mukuru muno aina ukuru wa miaka igana rimwe ria ithatu.
Thiini wa kaunti iria ciandikithitie aruaru kaunti ya Nairobi 287, Kiambu 114, Baringo 60, Nakuru 55, Embu 49, Murang’a 46, Uasin Gishu 31, Makueni 30, Garissa 29, Busia 25, Kilifi 25, Nyeri 24, Mombasa 24, Machakos 22, Taita Taveta 22, Nandi 21, Kajiado 19, Nyandarua 14, Kirinyaga 13, Turkana 13, Kitui 12, Kakamega 12, Kericho 11, Noma Bay 8, Tana River 7, Laikipia 6, Narok 6, Lamu 6, Trans Nzoia 5, Meru 4, Isiolo 4, Elgeyo Marakwet 3, Kwale 2, Migori 2, Marsabit 2, West Pokot 2, Kisumu 1, Siaya 1 na Bungoma 1.
Ministry ya ugima wa mwiri woguo nianiririte andu magana matandatu ma mirongo ithatu na athatu kuvora murimu wa covid 19 na gukinyia namba ya aria mavorete murimu wa covid 19 mari ngiri magana mairi ma mirongo iiri na anna , magana mairi ma mirongo mugwaja.
Minista wa ugima wa mwiri mutahi kagwe augite andu ikumi na athatu nimatoretwe ni murimu wa covid1 9 ciothe ikianirirua iri ikuo njerere cia mweri muthiru na gukinyia namba ya ikuo iri ngiri inya , magana mugwaja ma mirongo ithatu na kenda .
Mbica irutitwe online
Mwende Jackie
