Mumbunge wa Gatundu South Moses Kuria niugite ndagakorwa akivuranira giturwa wa kionthe thiini wa kithurano kia mwaka muku wa 2022.
Mumbunge uyu na uria nwake mutongoria wa kiama gia Chama Cha Kazi augite itanya riake ni kureta vamwe utongoria wa gitaru kia Mt Kenya.
Akiaria muthenya wa igoro Kuria augite agakorwa akivuririra ndeve muvuraniri wa giturwa kia uraisi uria gitaru giki gikagwata mbaru.
Wauguo augite gitaru giki gitiagirirwe gutigirirua thiini wa maundu maria mararirirua niguo mavote kwaririria maundu maria magekika thiini wa vururi.
Wavo augite gutiri muvuraniri wana uriku urina uma mukinyaniru wa kugia kuura kuuma gitaru kia Mt kenya.
Kuria, Mwangi Kiunjuri uria ni mutongoria wa kiama kia Service party na Martha Karua wa Narc Kenya nimambiriritie urumwe wa ciama gitaruri kia Mt Kenya vuva wao kurega kwingira thiini wa kiama kia United Democratic Alliance kiria munini wa raisi aravuranira giturwa kia uraisi nakio.
Wanja wa Njiru
Mbica irutitwe online