Maavitha a vorithi kauntiri ya Kirinyaga nimareka uthuthuria vuva wa mwiri wa mundumurume umwe uria utaramenyekana kwithirwa uri nguniari na utetwe rutere rwa muvuro wa Nyamindi.
Kuringana na ekari a itura riu matongoretue ni Dunson Murango, mwiri ucio uronirwe ni atumia aria marathiite kuna ngu na magiita maavitha a vorithi.
Athuthuria kuma gituo kia vorithi kia Wang’uru maugite giko kiu ni kia mburagano.
Aria mekaraga vakuvi na muvuro wa Nyamindi nimakoretwe makigua guoya kurumirira wongereku wa miiri ya andu gutewa muvurori ucio.
Ndeto ino yukite vuva wa mwonjoria Bashir Mohammed kwithirwa atetwe muvurori ucio matuko manini mathiru.
Mbica irutitwe online
Maitha Ngari
