Ruvua rwa kuramata uruti wira wa maavitha a vorithi niruo IPOA na munene wa nthitango cia mwingi riu nimaugite kuthikuria miiri ya imwana Benson Njiru na Emmanuel Mutura kuma Kianjokoma kauntiri ya Embu gukavitukirithia mucii uyu ivindari irito makiria.
Kuringana na IPOA na munene wa nthitango cia mwingi, mucii uyu kavindari gaka niuravitukira ururu mwingi wa kuurirwa ni ciana igiri iria ciekitwe ngono ni maavithaa a vorithi mbere ya kwithirwa mari akuo mithenya minini vuvari.
Macokio mama maukite vuva wa igoti kuuga wendekithia wa maavitha atandatu a vorithi aria marakuruvanua na gukua kwa imwana ino wa kuthikuria miiri yao niguo uthuthuria wambiririe uceru, ni undu uvatie kuthikirirua nevenya.
Kuringana na maavitha ama atandatu, imwana ino ciakuire vuva wa gutuva kuma ngaariri ya maavithaa a vorithi, iri wa cavariri.
Kunari uguo, maavithaa ama marevokwa gukinyua igotiri ringi muthenya wa Aramici gwitika nthitango cia ciira ino ya mburagano.
Mbica irutitwe online
-Mbuya Ngari-