Igoti rinene niriregete kuvecana watho wa kurigiriria kwivitithua kwa makomicona ana aceru a IEBC aria mavitukitue ni rais Uhuru Kenyatta.
Njanji Weldon Korir thiini wa itua riake umunthi augite vururi werekerete ithuranori na gucerithirua gwa kwivitithua kwa makomicona ama ni ugwati kuri akenya.
Wavo niugite gutigarite nthi ya mwaka umwe ithurano ciikike, IEBC mavatie gukorwa makivaririria niundu wa ithurano ino cia mwaka wa 2022.
Kuvitukua kwa makomicona ama ana aria ni Juliana Cherera, Francis Mathenge, Irene Masit na Justus Abonyo nigucavithitue ngathitiri ya thirikari.
Ana ama makevitithua ni njanji munene Martha Koome varia makaruta wira vandu va miaka itandatu.
Itua riri ria igoti rinene riukite vuva wa Nornael Okello kwendekithia gwoca miivitwa yao kurigirirua na makiria kwivita kwa Irene Masit uria urerikana niwendaga kuthurwa thiini wa ithurano nthiru cia mwaka wa 2017 ari ta MCA nwati akinacindwa.
Mbica irutitwe online
-Mbuya Ngari-