Vururi wa Kenya niwamukirite njanjo 358,200 cia AstraZeneca kuma vururiri wa Canada.
Njanjo ino ciamukirwe ni mwandiki munene wa ugima wa mwiri Susan Mochache umunthi kirauko.
Mochache niugite vururi wa Kenya niwamukirite makiria ma njanjo million 3.6 cia covid-19 gukinyagia umunthi na wauguo auga Kenya niirerigirira njanjo ciingi million 4.6 makiria ciumiari ciukite.
Imwe cia njanjo iria ciirigiririte ni vamwe na njanjo cia Johnson & Johnson iria vururi ugurite kuvitukira urumwe wa gitaru kia Africa na iria irevokwa gugakinya vururiri muthenya wa rucio.
Njanjo ciingi ni vamwe na Moderna kuma America, Sinopharm kuma China na Pfizer.
Mochache augite thirikari irevoka gukorwa icanjite andu million 10 mwicori wa mwaka uyu na wauguo ongerera njanjo ino ivatii kuvecanwa mana ituori cionthe cia gucanjira mwingi.
Gukinyagia tariki 31/08.2021 njanjo 2,792,309 niciatumikite gucanja andu guku vururiri.
Mbica irutitwe online
Njagi Ndathi
