Mutumia umwe wa miaka 35 mwena Bondo kauntiri ya Siaya niuragitwe ni mwingi vuva wa kwirika niwiite nguku 21 iturari ria Bat-Kowino.
Mutumia uyu uria uramenyekana ta Eunice Akoth aranyitirwe akuite nguku imwe ya iria iraiitwe utuku wa igoro na akirivwa ni mwingi vuva wa kurega kuga kuria ararutite nguku iyo.
Kuringana na munini wa civu wa itura riu ria Bar-Kowino Edwin Olima, mutumia ucio na andu engi aria mataramenyekana nimaratonyire mucii kwene na kwiia nguku 21.
Olima ongererete na kuga mutumia uyu niuregire kugweta aria marari namo na kiu nikio kirari gitumi kia mwingi kurakara na makimuraga na kumuvivia.
Olima niuritie mwingi matigoce watho njarari ciao wanakorwa kwiia nigucuku.
Mwiri wa mutumia ucio utwarirwe nyomba ya kwiga miiri ya gicigo mbunge kia Bondo varia maavitha ma vorithi marathii na mbere na uthuthuria.
mbica irutitwe online
Maitha Ngari
