Atongoria vururiri wa South Sudan kauntiri ya Tambura nimonete miiri itanyivirite 50 ya andu aria maititwe vuva wa mbukaniriro iria cionekete mwena ucio ino ni kuringana na komicona wa kaunti iyo Mathew Mabenge.
Mabenge augite miiri ino iria mingi ni ya ciana na andu aria akuru ironekanire maturari ma Bangaza, Mooboywhoku na Azana iria ironganirue vari mithenya itano.
Augite ntharikiro ino iria yambiririe mieri minini mivituku yumanite na ngurani iria iri vo gatagati ga ciama itiganite. Niworotete gikundi kia mung’ethaniro kia Sudan People Liberation Army-in Opposition na kuuga nikio gicangirite ntharikiro ino iria itigite magana ma ekari a Tambura mari athamithie kwao micii.
Kiumia kithiru thirikari nimavangire kuruta gikundi giki kia mung’ethaniro kuma kauntiri ya Tambura niguo kuthiria mbukaniriro, ikinyo riria riakinyirwe vuva wa ekari a mwena ucio guteta thirikari ya vururi ucio gutiri ikinyo maroca.
Mbica irutitwe online
-Mbuya Ngari-
