Komishion ya maavitha a vorithi National Police Service nithundurite muvango wa kumenya na gutethia maavitha aria maravatara urigiti.
Muvango uyu wina itanya ria kurumbuiya ugima mwega wa meciria na uratwarithua nambere ni komishon ino makigwatanira na ministry ya ugima wa mwiri.
Kuringana na munini wa mwenegiti komishoniri ino Alice Otwala augite nimathundurite board ya mwanya ya ugima wa mwiri iria ikaroragia maavitha aria aruaru, aria matigitwe na ngurario na aria mari na thina wa kimeciria uria urarigiria marute wira wao uria kwagiririkite na magatethererua kuamukira urigiti.
Otwala wavo augite marevoka gutethia maavitha 150 mwena wa Rift Valley rungu rwa muvango uyu .
Wauguo augite muvango uyu wambiriririe Nairobi kuria maavitha a vorithi 227 magunikite ,na matanyite kuthii nambere icigo ciingi ngurani .
Mwenegiti wa komishon ino Eliud Kinuthia nucokeretie ngatho komanda a vorithi aria makoretwe makimenya maavitha a vorithi aria maravatara urigiti na makamanyitirira .
Wanja wa Njiru
Mbica irutitwe online
