Onesmus Gambo uria wari MCA wa ward ya Junju kaunti ya Kilifi niuthitangitwe na ivitia ria uragani wa Sidik Anwarali Sumra,muvici wake Rahil Zulfikar na mwendia umwe wa migunda James Kazungu.
Gambo na Mzungu Mwangemi aria mekire giko kiu mweri wa mugwanja tariki 7 mathitangitwe na uthukangia wa ngari ya Sumra iria yari Toyota Fielder na njira ya kumivivia.
Muthenya wa Jumaa wakili wa thirikari wa kurugama na mwena wa nthitango Edgar Mulamula niwirire igoti ati Mwangemi niwathitangitwe na uragani mwaka 2014 na akirekua mwaka wa 2016 na bond ya ngiri 500,000.
Airi aya nimareganite na nthitango ino na nimavingirwa Shimo La Tewa magieterera rivoti makiria.
Kuringana na rivoti iria ivecanitwe igotiri niati Gambo niwakoretwe ari na mucemanio umwe na athatu acio mucii gwake na wingi mukawari Mtwapa kwaririra maundu migii uguri wa mugunda.
Mbica irutitwe online
Maitha Ngari
