Kanju ya kuramata maundu ma ugitiri wa vururi nimaracemania umunthi niguo kwariria uvaguki wa ugitiri kauntiri ya Laikipia, ino ni kuringana na ndumiriri iria ivecanitwe ni ministry ya maundu ma ndari ya vururiri.
Kuringana na mwandiki mukaru ruvongeri rwa ugitiri wa ndari ya vururi Karanja Kibicho ,thirikari nigucejia mitaratara iria ikoretwe igitumira kurua na uvaguki wa ugitiri vuva wa mitaratra imwe iria ikoretwe igitumika kurega gucokia thayu .
Thiini wa ndumiriri yake, Kibicho numenereretie gikuo kiria kionekanite kia mundu umwe na kuga uyu ni guo muthia wa thirikari gukorwa na wetereri.
Wauguo augite minista wa ugitiri wa ndari ya vururi nukoretwe akivecana mikana nwati ndiciarite matunda , thirikari ikanyitanira na comanda a vorithi mwena uyu niguo kwaraniria na mwingi nwati gutiri na maumirira mega maronekana riu Kibicho augite uvaguki uyu wa ugitiri marawoca na urito mwingi makiria.
Wauguo niwikirite nganja wirutiri wa atongoria a matura kureta thayu Laikipia na kaunty iria mavakanite nacio.
Riu augite thirikari niyoca itua riria rikwigucanirua thiini wa mucemanio wa muthenya wa umunthi wanangikorwa atongoria a giuteti gicigori giko makarega nario.
Wanja wa Njiru
Mbica irutitwe online
