Aciari a cukuru wa Embu Urban kauntiri ya embu nimatetete nigukorwa mekinyitie mucemaniori, cukururi uyu muthenya wa umunthi nwati matinetikiruua gutonya mucemaniori uyu .
Aciaria aya ,mamenereretie kwingatwa gwa ciana ciao na kurega kuvewa mutaratara mukinyiri wigiie mucemanio.
Kuringana na Sharon Wangari muciari guku , augite makoretwe magitwa mucemanio mavida kwa mavida ugitiragua varia maugite makoretwe magiterwa mathaa mao.
Miario yake inyititwe mbaru ni Jane uri wanake ni muciari cukururu uyu uria umenereretie matua maria cukuru uyu ikoretwe igitua nikwona matiagiririkite.
Riu aciari aya nimakumite utongoria mucuku cukururi uyu uria maugite ucangiriritwe ni gukorwa kuri na atongoria amwe boardiri ya cukuri ino na matiri na ciana cukuru kwogua matingierewa aciari .
Kunari uguo micemanio na kuriva mbeca cia tution kwirikite ni kwagarara mawatho maria mavecanitwe varia mukana uvecanitwe kuri arimu aria maragara watho ucio .
Wanja wa Njiru
