Vururi wa Kenya na Uganda niuvitukitie mivango ya kuthundura murandi wa mai ma kurima uria urevokwa gutumira kigina kia billion 7 na uria ugatethia makiria ma andu ngiri 127,000.
Murandi uyu worotete kuva arimi mai ma kurima hectare 3,300 cia mugunda, uve micii ngiri 20,000 mai ma gutumira na wauguo uvotithie vinya wa thitima wa megawatts.1.7
Murandi uyu uria uramenyeka ta Angololo Irrigation and Water Resources Development ugakorwa ukiruta mai nyunjiri cia Sio, Malaba na Malakisi.
Billion 4.7 irevokwa gukorwa igitumirwa gutuma dam, billion 3 itumirwe murandiri wa mai ma kurima, million 220 itumirwe mitambori ya guciarithia vinya wa thitima guku million 210 igitumirwa kutheria mai.
Munene wa mai countiri ya Busia James Imwene augite dam ino irakwa ya mai igatethia andu a icigo cia Tororo, Manafwa na Namasindwa vururiri wa Uganda na county cia Busia na Bungoma guku vururiri.
Mbica irutitwe online
Njagi Ndathi
