Murutwa wa kirathi kia Form Two cukururi wa secondary wa Naburereya countiri ya Bungoma niwirutite mwoyo vuva wa aciari ake kumukuma arega gucoka cukuru.
Murutwa uyu uria uramenyeka ta Joan Wekesa na uria urai na ukuru wa miaka 21 arerutire mwoyo na njira ya gwicuria nyombari iria mwendwa wake arakomborete tauniri ya Kabula.
Ng’ina wa murutwa uyu augite niarathiite nyombari iria Joan araturaga na amwira nwanginya acoke cukuru nwati murutwa uyu ndacokeria ng’ina kiugo nai kimwe.
Nimaracokire macoka nyombari ino ringi varia maratungirwe ni kimako vuva wa kwithira mwana wao icuriritie kuu nyombari iyo.
Aciari aya riu nimaugite murutwa uyu niararegete cukuru na waguo avecana mukana kwii aciiri ake ati mathii na mbere kumwira acoke cukuru kwa akeruta mwoyo.
Mwiri wa murutwa uyu riu nuviritwe nyombari ya kwiiga miiri ya Bungoma hospital mortuary.
Mbica irutitwe online
Njagi Ndathi
