Atwarithia a malori kuuma vururi wa Kenya na aria makoretwe makivira mirigo vururi wa South Sudan maugite nimacokete wirari vuva wa gukorwa matakuvira mirigo ino vari kavida ga ciumia igiri nundu wa uvaguki wa ugitiri varavarari.
Ino yukite vuva wa thirikari ya South sudan kwirira ndereva aya nimakumatia ugitiri varavarari ya Juba kuthiyii Nimule varavara iria ndereva engi mauragiriritwe na lori ciao kuvivua.
Ikuo ino cia ndereva aya niikumitue ni muungano wa Kenya Long Distance Truck Drivers KLDTRU na South Sudan Freught Forwarders Association varia maugite ndereva aya nimacokete wira riu .
Mwenegiti wa KLDTRU Nicholas Mbugua augite maavitha a vorithi nimatumitwe icigori iria ikoretwe iria ugwati kuri matereva niguo kumatia ugitiri. Vuva wa mucemanio uria urekikire muthenya wa igoro Mlolongo kauntiri ya Machakos gatagati ka miungano ino iri, matereva a lori maugite kuri na ndereva 20 aria mauragitwe makuite mirigo vari kavida ka mieri ithatu mivituku
Wanja wa Njiru
Mbica irutitwe online
