Munini wa gavana wa kaunti ya Nyeri Dagitari Caroline Karugu niuthitagite gavana wa kaunti iyo Mutahi Kahiga na mwandiki kauntiri iyo niundu wa gwikuirua mamwikariritie mucara wake.
Karugu kuvitukira Lawyer J Harrrison Kinyanjui augite ndanamukira mucara wake kuma mweri wa ikumi na kamwe mwaka wa 2019.
Munini uyu wa gavana athiite nambere kuuga ndakoretwe agitwa micemanio, kuma mweri wa kanna mwaka wa 2019.
Dagitari Karugu augite kuronekana takwa arugamitwe wira undu uria ni mugaru na gatiba.
Kuvitukira mateta make munini wa Gavana augite akoretwe agitumira mbeca mwigana wa sh 442,107 gwikira ngari yake maguta na sh ciingi mwigana wa 15,000 wa mweri niguo kuriva arangiri ake riria arathiee nambere na wira wake.
Munini uyu wa Gavana atonyire wira tariki 4 mweri wa gatano mwaka wa 2018 na avatie gukorua akirivwa mucara wa mbeca mwigana wa sh 685,250 wa mweri.
Igoti niriguite mateta mama na cira uyu ukagwetwa ringi tariki 16 mweri wa kenda mwakari.
Mbica irutitwe online
Mwende Jackie
