Maavitha a uthuthuria wa wiki nai DCI nimaikitie ngono murigitani umwe wa thivitari ya Mbagathi vuva wake kunyitikana na ndawa cia ndugugio muthemba wa Heroine.
Kuringana na DCI mwikuirwa uyu wa ukuru wa miaka 42 na uria uramenyekana ta Beatrice Awuor niyavaragiria ndawa ino niguo ikorwe ikivirwa kundu kuria gutamenyekanite.
Maavitha a DCI mavotire kumwikia ngono vuva wa kuvurirua thimu na mereithua muvango wake.
Vuva wa gwikinyia nyombari yake mwena wa Kayole maavitha aya nimocire marua yake ya ugendi kana passport vamwe na passport ciingi cia andu engi airi ari maramenyekana ta Caroline Adongo na Risper Auma aria metikitue makoretwe makirutithania wira nake .
Wauguo maavitha aya nimacemanirie na kivadi kia wira kia murigitani uyu vamwe na latiri iria maavitha a uthuthuria metikitie ikoretwe igitumika kuthima ndawa ino cia ndugugio.
Wavo thimu 8 niinyitikanire, Bahasa cia gaki na micuva thiini wa nyomba ya murigitani uyu .
Herione ino niivecanitwe kuri ruvonge rwa kuruwa na ndawa cia ndugugio niguo ciikirwe uthuthuria makiria.
Wanja wa Njiru
Mbica irutitwe online
