Uria wari mumbunge wa Laikipia ya iguri Mathew Lempurkel niuthitangitwe na mavitia ma miario itari miega.
Lempurkel akinyitue igotiri ria Milimani umunthi vuva wa kurara gituori kia vorithi vuva wa gwikua ngono igoro ari gwake mucii mwena wa Rongai kauntiri ya Kajiado.
Kuringana na nthitango, Lempurkel niwakorirwe akiuga nduriri imwe guku vururiri ni ya andu aria maguru mao makoragwa na ngage na kwongerera migunda yonthe mwena wa Laikipia ni ya nduriri ya Maa na ati methe ma tene nwamekare na migunda makenda nwati nyaki migundari iyo ni ya nduriri ino ya Maa.
Mutongoria uyu kunari uguo niukanire nthitango ino iria erikanite kwaria gatagati ga tariki 11 na 17 mweri wa mugwanja mwakari.
Miario ino yake ni imwe ya maundu maria merikite gucangira mbukaniriro na wagi wa thayu kauntiri ino ya Laikipia.
Mbica irutitwe online
-Mbuya Ngari-
